Sveinn A Bjarnason (Ekki verri en hin fíflin)

Hneysa!!!

Thu, 08 Jan 2009 00:11:21 GMT

Vegna Kastljósviðtals við Bjarna Ármannson er mér gjörsamlega ofboðið.

Bjarni nokkur Ármannson kom fram í kastljósi á dögunum og reyndi að laga mannorð sitt, fannst mér nú lýtið til þess koma, en hann hugsanlega sefur betur næstu nætur útaf þessu blessaður maðurinn.
Mér persónulega finnst þetta með milljónirnar hans Bjarna Ármannsonar, sem hann er að ''skila'' af einskærri góðvild til Glitnis bera vott um hræsni. Maður sem hefur sitið báðum megin borðsins og keypt bréf í Bankanum sínum á verði sem hann setti sjálfur verðmiðann á (náttúrulega fáranlega lágu verði)og selur þau svo aftur á verði sem honum fannst sjálfum ásættanlegt (náttúrulega fáranlega háu verði) er bara að reyna henda sandi í augun á fólki og vonar að sem flestir gleypi þetta umyrðalaust, sem vissulega margir hafa gert. Fyrir okkur almúgan eru þetta miklir peningar og það er það sem á að blekkja mann, en fyrir Bjarna Ármannson er þetta eins og okkur að gefa fátækum manni pulsu og kanski kók. Við hverju býst maðurinn?? Kanski styttu af sér á Arnarhóli í þakklætiskyni. Skyldi ég fá þakkir eða umræðu í fjölmiðlum ef ég gæfi Glitni eða öðrum banka 390 kr úr mínu launaumslagi (svipuð upphæð hlutfallslega, sennilega þó töluvert rausnarlegri), ég efast stórlega um það. Bjarni minn ég gleypi ekki við svona löguðu.

Ég held að þessir háu herrar ættu frekar að koma fram og gera grein fyrir því hvað varð um alla peningana sem voru inná innistæðu reikningum fólks (Ice save ofl.).Ég hvet fjölmiðlafólk til þess að fá það upp úr mönnunum. Þar verður eflaust fátt um svör að venju. Það liggur á. Eða er fólki bara slétt sama????

Er ekki allt í lagi með karlinn eða hvað???

Sun, 25 May 2008 21:56:30 GMT

Maður spyr sig?? Er ekki allt í lagi með mann, ég skrifa orðið hér inn í hvert skipti sem ég skipti um vinnu, hehehe. Já Brimborgar ævintýrið er úti, ekki samt skilja það þannig að Sveinninn hafi verið rekinn, sem ekki var ástæðan. Mér gekk svo sem ágætlega að selja og svoleiðis. En hitt er annað mál að Sveinn átti erfitt með að aðlagast að sitja á ras#*'inu (afsakið orðbragðið) og sjá ekki til sólar nema þá í fréttunum um kvöldið. Ekki nógu mikill sviti og bakverkir í gangi eftir vinnudaginn (það segir Marta allavega að sé ástæðan). Ég er því kominn í vinnugallann aftur (home sweet home) og stökk núna beint í djúpulaugina (reyndar með litlu vatni í eins og er) og er búin að versla mér sendibifreið og ætla í sendibíla keyrslu ásamt því að hreinsa tyggjóklessur af stéttum höfuðborgarsvæðisins og víðar verði þess óskað. Ekki veit ég hversu mikið vit er í þessu að fara úr ''öruggum stað til að vera á'' og fara yfir í það að vera í sjálfstæðum rekstri, en það verður tíminn einn að leiða í ljós. Eitt er víst að það verður góður mórall í mínu fyrirtæki og aldrei neitt tuð eða leiðindi milli starfsmanna, enda verður fyrirtækið einstaklega vel mannað. Stefnt verður á árshátíð á seinnihluta ársins og verður jafnvel mökum boðið með til útlanda og allt frítt að sjálfsögðu (smágrín). Vonandi gengur nú karlinum vel í þessu sem og öðru. Ég ákvað nú að skrifa hér inn til að láta ykkur öll vita svo þið séuð nú ekki að leita að mér í Brimborg til að reyna að kría út afslátt á bíl. Læt ekki líða svona langt á milli skrifa eins og seinast, reyni allavega að vera búin að skrifa einu sinni áður en ég skipti um vinnu aftur
Munið þið svo að rita í gestabókina skamm skamm

Kveðja Sveinn A Bjarnason

Ef einhverjar spuringar vakna þá er best að senda stjórnarformanni fyrirtækisins línu á mail'in
ssveinn@sveinartransport.com eða ssveinn@sveinargroup.com

eða á símatíma annan hvern þriðjudag á milli 9 : 15 og 10 : 00

Allt að ske á mínu heimili

Sat, 16 Feb 2008 21:54:44 GMT

Jæja mættur enn og aftur eftir þó nokkuð hlé, enda allt að ske á mínu heimili. Nú er svo komið að ég fékk upp í háls á minni gömlu vinnu og voru reyndar nokkrar ástæður fyrir því sem ég ætla ekki að tíunda hér (en reyndar fín vinna oft á tíðum og skemmtilegir vinnufélagar) Nú er ég kominn í nýja vinnu og er farinn að selja bíla hjá Brimborg og lýst mér barasta nokkuð vel á þetta þó svo að þetta sé eitthvað allt annað en ég hef nokkurntíman gert, og svoldið flókið að komast inn í þessa tölvuvinnu. Kanski á það ekki við mig að sitja svona á rassinum og ræða við fólk en þá verð ég allavega búin að kanna það. Ég byrjaði 4 febrúar í nýju vinnunni og þann sama dag byrjaði Marta í nýrri vinnu hjá Icelandexpress. Já það má segja að miklar breytingar séu hjá okkur og vonandi til þess betra fjárhagslega. Gaman væri að sjá hverjir kíkja her inn, þess vegna vil ég sjá ykkur gefa álit á pistlinum eða amk. skrifa í gestabókina, það tekur nú ekki svo langan tíma. Þangað til næst Bless bless
P.s. Svo vitið þið hvert á að koma til að kaupa bíl
ÖRUGGAN STAÐ TIL AÐ VERA Á!

Hæhæ

Wed, 05 Dec 2007 09:09:13 GMT

Jæja komið þið nú sæl aftur langt síðan hér hefur verið ritað að venju. Af mér er allt þokkalegt að frétta og allt við það sama nema ég er farinn að huga að því að skipta um vinnu, langar orðið að prófa eitthvað nýtt (og kanski örlítið þrifalegra:) þó mín vinna eigi ss. ágætlega við mig, vanur skítmokstri) og er nú þegar með nokkur járn í eldinum og vonandi gengur þetta nú allt vel. Af okkur er svo annað að frétta að það er hætt að leka hjá okkur 7,9,13 (loksins) og verður maður nú að fara í sturtu inn á baði en ekki stofunni frekar leiðinlegt þegar það er góð mynd í sjónvarpinu hahaha. Nei mikill munur að losna við alla balana tuskurnar og vasana úr stofunni. Við Fjölskyldan ætlum að fara út um jólin og fara til Pollands. Það verður ágætt að fá sér smá frí og kæla sig niður í frostinu í Póllandi. Verð núna að hætta er að fara með Danny boy (Daníel)í nefkirtlatöku (við erum frekar stressaður báðir 2)

Sí jú!

Sveinki

jÁ HANN ER Á LÍFI

Tue, 09 Oct 2007 18:31:25 GMT

(ATH þessi lesning er ekki fyrir viðkvæma og klíugjarnar manneskjur)

Já hann er á lífi spyrja eflaust margir. Verð að biðjast velvirðingar á hvað er langt síðan ég skrifaði. Er búin að vera á kafi í skít svo lengi síðan ég man, í orðsins fyllstu merkingu. Er nefnilega búin að fá úthlutað því skemmtilega verkefni í vinnunni að tína grjót upp úr skólplögnunum við Smárlind. Þessi aðgerð fer þannig fram að maður stendur ofan í brunni upp í mitti í vöðlum og gallaður svona næstum upp fyrir haus og reynir að fá ekki mikið skítavatn upp í sig og ofan í axlarháa vetlingana þegar maður hálfpartinn stingur sér til sunds á kaf í súkkulaðibrúnanstrauminn 8|. Svo sýgur maður upp með bílinn það sem maður getur en tínir restina af stærstu steinunum upp í fötu og hífir upp. Til að kóróna allt þarf maður svo að byrja í þessu á miðnætti dag eftir dag og vinna svo til 2-3 á daginn, þannig þetta er bara orðið algjörlega svona vinna, éta, sofa dæmi. Ef þetta er ekki góð leið til að verða geðveikur þá veit ég ekki hvað. Er von að maður sé farin að spyrja sig hvort ekki sé komin tími til að skipta um vinnu, ekki eru það launin :$ sem draga mann ofan í skítaræsin. Það hlýtur þá bara að vera ánægjan, eða hvað??? :S Reyni nú að skrifa fljótlega aftur.

Kveðja Sveinn Skíthaus

Kominn á stjá aftur

Thu, 09 Aug 2007 22:50:54 GMT

Ákvað að blogga aftur vegna fjölda áskorana. Hélt að síminn ætlaði ekki að hætta að hringja :lol: Ætti þá a.m.k. að fá svefnfrið í nótt eftir þennan pistil

Er ekki búinn að hafa mikinn tíma undanfarið enda allur minn frítími búin að fara í að knúsa og kela við Mörtu og gríslingana mína. Ég ætlaði ekki að þekkja Daníel aftur. Hann er búin að stækka ótrúlega á einum mánuði og orðinn alveg ljóshærður (sennilega eftir alla sólina í Póllandi, nema Marta hafi hitt einhvern Svía á sínum tíma því ekki er þetta minn háralitur svo mikið er víst). Svo er hann farinn að kjafta heil ósköp og ef hann kann ekki orðin þá kemur hann bara með þau á einhverju tungumáli sem ég skil allavega ekki (hlýtur þá að vera þýska hehehe). Alveg frábært að vera búin að fá þau heim og aftur líf og fjör í kotinu. Núna er meira segja matur í ískápnum, ég var satt best að segja ekki mjög duglegur kaupa inn í ískápinn og elda fyrir mig einan einhverjar steikur. Ég er s.s. ekkert illa haldinn eftir útlegðina og hafið ekki áhyggjur, ég er enþá sæmilega frambyggður :^) Var hinsvegar með allskonar tilraunastarfsemi í gangi á meðan þau voru úti. Leitaðist ég við að svara ýmsum spurningum. T.d.

Tilraun nr 001.

Hversu grænt getur brauð orðið af myglu og hvað tekur það langan tíma?

Svar: Mjög grænt og það tekur ca. 10 daga

Tilraun nr 002

Er möguleiki að láta vaxa hálfgert tré ofan á tómötum inn í ískáp?

Svar: Já! Ef þeir gleymast út í horni í ískápnum og ekki er vitað um þá fyrr en 2 dögum áður en frúin kemur heim.

Tilraun nr 003

Hversu lengi tekur það Svein Bjarnason að drepa 1/3 af öllum fiskum Gabríelu?

Svar: Tók nokkuð snökkt af (4 daga) en rannsókn á þessu undarlega máli stendur enn yfir. Er enn að reyna telja Gabríelu trú um að þeir hafi dáið úr mjög sjaldgæfum hjartasjúkdómi.

Tilraun 004

Hversu lengi lifa blóm án vatns í mikilli sól og hita inn í stofu?

Svar: Ótrúleg þrjóska í þessum kvikindum. Ég náði ekki alveg að drepa þau, en að vísu voru þau orðin frekar niðurlút. Marta kom heim á síðustu stundu og náði að bjarga því sem bjargað var.

Tilraun 005

Hversu marga bjóra er hægt að setja inn í ískápinn?

Svar: Mission failed! Rannsókn ekki marktæk þar sem bjórar hurfu hratt úr skápnum á heitum sumardögum.

Af öðru leiti stóð ég mig bara nokkuð vel sem einsetukarl

segi þetta gott .

Bæjó Sveinurinn

p.s. séstaklega gert fyrir Sævar (misiu)

Óþolandi Þjónusta

Thu, 02 Aug 2007 22:46:31 GMT

Svenni blogg mættur aftur. Alveg er það óþolandi hvað maður fær orðið slæma þjónustu nánast allstaðar sem maður verslar. Maður fer í Byko og þarf að standa og hanga og bíða óþolandi lengi í þessu æðislega númerakerfi þeirra, og svo loks þegar einhver af starfsfólkinu ákveður að tala við mann þá er maður í vitlausri deild eða lendir á einhverjum sem þykist vita allt en veit í raun ekkert hvað hann er að tala um og maður endar á því að láta ljúga sig fullan, það fullan að maður kaupir vöru sem á alveg pottþétt að passa við eitthvað ákveðið stykki sem maður er með (þó maður hafi það á tilfinningunni frá upphafi að svo sé ekki). Maður fer með draslið heim og viti menn, það passar, engan veginn:^) djöf.#$%& blót og gníst . Ég fór aftur í Byko og fór í helv. röðina og stóð þar og beið í 30mín. Loks kom nú maður sem virtist vita eitthvað, og segir, ''hvernig datt þér í hug að þetta myndi passa saman'' og mér leið óneitanlega eins og háfvita. Þá bað ég hann um stykki sem passaði og hvað segir hann. ''Það er ekki til hér, það er bara til niðri í lagnadeild, það eru til 10 stk þar segir hann og flettir í tölvunni. Ég keyri þangað. Kem inn og bið um þetta ákveðna stykki og tel mig nú vera með allt á hreinu. Maðurinn kemur af fjöllum og segir mér að þetta hafi aldrei verið selt hér í lagnadeildinni heldur uppi í verslun. Ég (sem æsi mig nú ekki oft) verð að viðurkenna að ég rólyndismaðurinn, alinn innan um rólegar jórtrandi kindur og fagran fuglasöng var virkilega orðinn pirraður. Þvílík þjónusta. Maður er hafður af fífli. Ég rauk út og keyrði næstum yfir tvær gamlar konur sem áttu ekki von á brjáluðum Byko viðskiptavini. Og upp í búð aftur og takið eftir ég fór ekki í röðina, sat fyrir afgreiðslumanninum sem átti sér einskis ills von og sprakk (reyndar ýkt það var runnin af mér mesta reiðin, enda enþá að hugsa um gömlu konurnar sem ég drap næstum, en það var sem betur fer fyrir mann greyið). Ég spurði hann aftur um vöruna og aftur fór hann í tölvuna og fann núna út að það væri ekki til svona stykki hér í bænum heldur 2 á Selfossi og 13 á Akureyri. Nei hættið þið nú alveg. Nú ætlaði hann að taka mig alveg með trompi og plata mig út á land líka (vitandi það að hann var búin að plata mig áður). Ég hélt ég yrði nú ekki eldri. Ég vel upp alinn strákur þakkaði því manninum fyrir frábæra þjónustu og fór heim alveg búinn á því. Daginn eftir fór ég í Húsasmiðjuna og fékk stykkið nokkuð léttilega, enda ákveðinn að láta nú ekkert spila með mig og orðinn nokkuð sjóaður frá deginum áður.

Nóg í bili,

Svenni ''pirraði''

Fyrsta færslan lýtur dagsins ljós

Wed, 01 Aug 2007 00:29:10 GMT

Jæja, þá er ég byrjaður að blogga, hélt að það myndi nú aldrey ske, mér hlytur bara að leiðast einveran svona mikið. En þetta fer nú að styttast Marta og krakkarnir eru búnir að vera í Póllandi í næstum mánuð og koma eftir 5 daga (sjá teljara). Ætla að reyna að blogga nokkuð reglulega en lofa þó engu. Er búin að vera vinna eins og brjálæðingur í allt sumar bæði í vinnunni og svo heima. Er nú loks að byrja að sjá fyrir endann á framkvæmdum mínum heima fyrir á baðherberginu. Framkvæmdirnar eru búnar að standa yfir i 1 1/2 ár:$ (með hléum þó) enda er það orðið ''mega'' flott þó ég segi sjálfur frá:D. Vona að einhver nenni að lesa það sem ég skrifa (misviturlegt þó) því annars hætti ég því bara og hana nú. Læt þetta duga í bili enda er ég bara fikta eins og er. Bæjó